UWC Чангшу Кина ја нуди Меѓународната матура (IBDP), како и програма за ученици од 10-то одделение, како подготовка за IBDP програмата. 

Програмата за 10-то одделение цели да ги научи учениците потребните вештини и знаење за успешен влез во Меѓународната матура. 

Во курикулумот на Маѓународната матура, заедно со стандардните предмети, UWC Чангшу нуди вовед во Кинески (за интернационалните ученици), географија, економија, филозофија, историја, биологија, технологија на дизајн, климатски системи и општества, музика, кинески студии, театар, визуелна уметност, шпански, француски и германски. 

UWC Чангшу Кина ја преименува програмата за Креативност, Акција и Сервис (КАС) во “Џи Шинг“, што значи “учење преку дејствување“. Програмата овозможува истражување на кинеската култура во колеџот и пошироката заедница. Многу од активности, како кинеска уметност, калиграфија,  или кинески музички инструменти, имаат директен фокус на кинеската култура, што им дозволува на интернационалните ученици холистично да ја разберат локалната култура. Таквите активности исто така им дозволуваат на кинеските ученици да ја истражат и сопствената позадина. Други активности, како волонтирање во локални домови за стари луѓе, училиште и центри за заедницата, ги вклучуваат во образованието и локалната кинеска култура, луѓе и околина. 

Проектните недели се бесценети можности за учење, што им дозволуваат на учениците да дејствуваат врз нивните UWC вредности. Еднаш годишно, учениците истражуваат подалечен предел на Кина. Професорите предводат група на ученици во помалку развиени региони за да учестуваат во недела за да помогнат на заедницата. Учениците комуницираат со заедницата преку предавања и помош. Овие патувања им ги покажуваат различните нивоа на економски развој во Кина на сите ученици. 
 

Дизајниран од Мо Пинг, кампусот од скоро 10 хектари е изграден на остров на северозападната страна на езерото Кунченг. Архитектонскиот дизајн потсеќа на јужно кинеско село блиску до вода, каде поврзаностите помеѓу различните делови се лесни и непречени. Кампусот е изграден со голем број напредни технологии кои ја зголемуваат одржливоста и минимизираат импактот на околината, како геотермален систем на греење, соларни панели на покривите, хибридни соларни панели и улични светилки со ветерници. Кампусот вклучува центар за уметност, центар за благосостојба на учениците, внатрешни атлетски објекти, терен за трчање, базен, простор за јога и танц, надворешно игралиште, терен за кошарка, терен за фудбал, центар за наука, технологија, и математика, центар за конференции, домови за учениците и професорите, кафетерија и библиотека. 

Чангшу е град во провинцијата Џиангсу, на некои 110 километри западно од Шангај, во срцето на делтата на реката Јангце. 

Учениците аплицираат преку нивните национални комитети. За повеќе информации за UWC Чангшу Кина, посетете ја веб страната.