Duke biseduar me Iva, pata përshtypjen se po flisja me një udhëtare të klasit botëror, pasi ajo flet me aq shumë pasion dhe entuziazëm për aventurat e saj të udhëtimit rreth botës dhe për të gjitha vendet e mrekullueshme që ka pasur mundësinë t’i vizitojë. Ajo i përshkruan ato me aq elokuencë dhe gjallëri sa të duket sikur edhe ti ke udhëtuar bashkë me të.

Tregimet e saj, përvojat dhe ilustrimet e këtyre vendeve, njerëzit që ka takuar, zakonet dhe kultura e tyre, ajo i paraqet aq bukur dhe në mënyrë unike saqë dikush me shumë gjasa do të fillonte të kërkonte fluturime për të nisur një kërkim dhe për t’i eksploruar ato vende.

Iva i afrohet me qetësi Programit të Diplomës Ndërkombëtare (International Baccalaureate Diploma) apo thjesht IB. Për këtë nxënëse të shkollës së mesme 16-vjeçare, bota e IB-së është territor i njohur, pasi ka qenë pjesë e këtij programi që nga kopshti për fëmijë. Ajo u rrit dhe ka kaluar pjesën më të madhe të jetës së saj në Gjeorgji, ku gjuha zyrtare nuk ngjason fare me asgjë sllave. Në shtëpi, me familjen e saj, ajo fliste, siç e përshkruan ajo, një "përzierje qesharake" të maqedonishtes, serbishtes, rusishtes dhe anglishtes. Ajo është gjithashtu flet rrjedhshëm gjuhën gjeorgjiane, të cilën duhej ta mësonte në klasën e gjashtë, dhe një vit nga tani shpreson që do të shtojë edhe gjuhën kineze në listën e saj, pasi do ta studiojë si gjuhë të dytë në Kolegjin e Botës së Bashkuar (UWC - United World College) në Changshu, Kinë. Pas përfundimit të shkollës së mesme në Kinë, Iva e sheh veten duke vazhduar arsimimin e saj në Shtetet e Bashkuara... ndoshta në Evropë ose ndoshta në Kinë, në varësi të rrethanave. Ajo po konsideron të studiojë diçka mbi sferën e Energjisë Bërthamore ose të Qëndrueshmërisë (sustainability). Siç e thotë bukur Iva: “Kreativiteti im nuk përputhet me asnjë punë zyre.”

Iva është e entuziazmuar dhe mezi pret të fillojë aventurën e saj të re arsimore në Kinë. Natyrisht, ajo ndien edhe njëfarë trishtimi dhe nostalgjie për të gjithë njerëzit dhe vendet që po lë pas—miqtë, familjen dhe madje edhe mësuesit e saj të dashur në shkollën e saj në Gjeorgji, të cilët, megjithëse ishin të lumtur që e shihnin duke ecur përpara, gjithashtu ndienin keqardhje që po largohej. Është shumë larg, në një kontinent tjetër.

Megjithatë, pas çdo fundi vjen një fillim i ri…

Miqtë e saj tashmë kanë marrë ftesa të hapura për ta vizituar në Kinë. Duke qenë se UWC Changshu lejon të marrësh me vete dy valixhe, Iva ka planifikuar me kujdes se çfarë do të vendosë në secilën prej tyre. Njëra është plot me rroba dhe 10 kavanoza ajvar, ndërsa tjetra është mbushur me kujtime që do t’i kujtojnë shtëpinë dhe do ta bëjnë të ndihet pranë familjes dhe miqve të saj.

Jemi kureshtarë të dimë sa gjëra do të sjellë mbrapa me vete për të kujtuar kohën që do kalojë atje. Ndoshta do të mbledhë aq shumë kujtime sa do të duket sikur ka sjellë një pjesë të Kinës me vete.

Nela Chestojanova,
Korrik 2024