Во турбулентиот свет на 21-виот век, целите на UWC се еднакво релевантни како и во 1962 - можеби и поважни од порано. 

UWC движењето беше основано во 1962-ра година кога Атлантик Колеџот во Јужен Велс ги прими своите први ученици. Случувајќи се за време на врвот на Студената војна, целта на училиштето беше да донесе млади ученици од различни држави и да им овозможи да дејствуваат како амбасадори на мир преку нивната едукација базирана во заедничко учење, колаборација и разбирање.  

Образовниот концепт на UWC се основа на идеите на Курт Хан, кој е еден од основачите на модерното UWC движење. Хан веруваше дека училиштето треба да биде подготовка за животот -- не само за универзитет -- и дека образованието треба да им помогне на учениците да развијат издржливост и способност да искусат и неуспех и успех. 

Основањето на UWC во 1962 година беше кулминацијата на образовната мисла на Хан. Хан беше пионер во образование, и некои од неговите поранешни иницијативи ги вклучуваат училиштето Салем во Германија и “Outward Bound". Во 1958 година, за време на конференција во НАТО Колеџот за одбрана, Хан беше инспириран од соработката која ја забележал помеѓу поранешни непријатели во втората светска војна. Тој мислеше дека доколку може да едуцира млади луѓе од целиот свет заедно, може да запре идни конфликти. UWC движењето се роди токму од оваа верба во моќта на образованието да го смени светот, и има мисија да го направи образованието сила за обединување луѓе, нации и култури за мир и одржлива иднина. 

Оттогаш, UWC движењето е посветено на обезбедување предизвикателно и трансформативно образовно искуство на ученици, за да ги инспирира да станат агенти за позитивна промена и да создадат помирна и поодржлива иднина.